BODY LOTION
السلام عليكم
اليوم بتكلم عن العنايه بالبشرة
كريمات الجسم ..
طيب اول شئ بتكلم عن اكثر كريمات متداولة وهوا من ذابودي شوب ..
ذا بودي شوب احب روائح كريماتة قوية و تبان
في بعضها ترطيبها حلو و بعضها لا
اللي ما حبيتها ذي الي في الصوره
اول شئ ما حبيتها لانها تدبق (تلصق) مرا تدبق كانك حاطه سكر او شئ زي كذا
ترطيبها يمشي حالو يعني هيا حقت دلع و ريحة حلوه مو للترطيب
بس اللي حلو فيها ريحتها بالذات الي بالفراولة مع اني ما احب الفراولة
------
الكريمات الي حبيتها و ترطيبها حلو هيا ذي
مرا مرا حبيت الي بالمنجا
و الفانيليا حبيت ريحتة لانو ذكرني بشى من الطفولة بس اخواني ماعجبهم :)
عيبه انو شوية زيتي يعني تحسي انه فيه زيت
------
باث اند بودي من احسن الكريمات ترطيب..
يرطب الجسم مو بس كلام او سمعه .. سعره شويه غالي في الستين
هوا بزبده الشيا ، ريحتة مو مره عجبتني زي روائح ذا بودي شوب
ذا الكريم مقسوم قسمين قسم بزبده الشيا و ريحته مراا حللوه و لطيفة
اما القسم الثاني شيمر .. لمعه و لمعته قويه
-------
ذا الكريم الوحيد الي عندي من فيكتوريا سيكرت
حلو و ترطيبه معقول بس مو زي ترطيب باث اند بودي
--------
كريمات اتش اند ام
الاول شيمر مايرطب مرا بس دلع P:
و اللعمة بس مؤقته و بعدها مرا تخف ولا تبان
الثاني بزبده الشيا ثقيل و يرطب هوا بخشب القطن
الذهبي لوشن شيمر بعطر احسه زي عطر الرجال
و الثاني من أفون احب ريحته مخاوطه بالقرفه و التوت البري و الكرز
حلو ترطيبه خفيف و منعشه ريحته
------
كريمات بالمرز ..
ترطيبها قوي جدا ثقيلة
في زبده ثقيل اللي في العلبه ينفع تحطيه للركب او الاكواع او كعب الرجول و إلبسي شراب و راح تشوفي الفرق
الثاني الاول عصار اخف منه بشوي
و الاخير للتشققات للحوامل او اي مكان مشقق عندك
انا مرا احب منتجات بالمرز تحصلوها في السوبر ماركت
--------
فازلين كل الناس تستخدمة احبه و عملي يومي
الاصفر خفيف اما البني بزبده الكاكاو اثقل و ترطيبه جدا حلو
الفازلين العادي جدا حلو لكعب الرجل و الاكواع
-----------
الجونسون جدا ناعم
بس مؤقت
الدوف مرا مرا جميل غير عن اللي في العلبه
------
ان شاء الله يعجبكم الموضوع و تستفيدوا منه ..
<3
تعليقات
إرسال تعليق