BRUSHES & LOVERS
السلام عليكم
كثير بنات طلبوا مني في الانستقرام اتكلم عن الفرش و الفرش الاساسيه في المكياج
و ايش افضل الانواع بالنسبه ليه ..
اليوم راح اتكلم عنها ان شاء الله
"كل الترتيبات حسب تجربتي الشخصيه"
{اضغطوا على الصور للتكبير}
----------
اول شئ فرش الاساس
1.
فرشه سيقما هيا افضل فرشه استخدمتها توزع الاساس بشكل جميل
يعني بعد ماتحتاجي فرشه ثانيه بعدها عشان تعدلي توزيع الاساس و ماتطلع خطوط
2
فرشه ريل تكنيك للاساس حلوه بس مي مدكوكه شعر زي سيقما
يعني توزيعها مو زي سيقما
بس بنسبه لسعرها مرا ممتازه
3
ثالث شئ فرشه ريل تكنيك برضوا بس النوع ذا الشعر بعيد عن بعض
توزع الاساس بس تطلع خطوط كثيره فلازم بعدها فرشه ثانيه او بيدك او شئ تدمجي الاساس
عشان تروح الخطوط ممكن تستخدمي الفرشه اللي في الصور اللي بعد ذي
الفرشه ذي من كوستال مو مره عجبتني بس ممكن تستخدميها عشان تودي الخطوط
4
الفرشه ذي من كوستال نفس فكره فرشه ريل تكنيك الفوشيه بس ريل تكنيك اجود منها
نفس الشئ لازم بعدها فرشه للدمج الخطوط
5
ذي اخر فرشه من كوستال مرا ماعجبتي الشعر مرا مو مدكوكه يعني الاساس يدخل جوه الشعر
ابدا ما انصحكم فيها
ملاحظه: كل فرش كوستال اللي عندي جات في مجموعه وحده للوجه و العين المجموعه حقت العين ما استغني عنها
انصحكم فيها و سعرها حلو
----------
ثاني شئ فرش الكنتور
الاولى و الثالثه نفس الفكره فرش مايله للكنتور البودره و للبلاشر في نفس الوقت
الاولى من كوستال و الثالثه من سيقما احبها مرا و فرشه سيقما تثبت البلاشر عشان شعرها مصنوع من الياف
-الثانيه من ريل تكنيك مرا حلوه و سهل الكنتور فيها "للكنتور البودره"
تجي في مجموعه من ٣ فرش كلها للكنتور
حجم كبير، وسط ، صغير
-الرابعه من سيقما مجموعه الكابوكي برشز مرا حلوه و سهله برضوا للكنتور البودره
فرشه الكنتور الكريمي من سيقما مجموعه الكابوكي برشز
دمجها حلو و اعتبرها فرشه اساسيه لازم تكون عندك
ذا الحجم الكبير من مجموعه ريل تكنيك للكنتور
و ذا الحجم الصغير حلو لكنتور الخشم
هما كاتبين عليها لدمج الظل بس انا استخدمها للكنتور حجمها حلو
-----
ثالث شئ فرش البلاشر
الاولى و الثانيه اتكلمت عنها فوق
الثالثه من ايلف تنفع للبودره و البلاشر في نفس الوقت
الرابعه من اتش اند ام احبها مرا ناعمه و هيا ثاني افضل فرشه بلاشر بنسبه ليه
الاخيره من ريل تكنيك
^
صور اوضح للفرش
-------
رابع شئ فرش الاضاءه "الهاي لايتر"
الالولى من سيقما و الثانيه من ريل تكنيك
كلهم حلوين بس انا افضل ريل تكنيك احب حجمها يناسب حجم المناطق المحتاجه للهايلايتر في الوجه
--------
خامس شئ فرش الكونسيلر
طبعا فرشه الكونسيلر من سيقما مرا مهمه لازم تكون عند كل وحده منكم
في منها ٤ اشكال انا افضل الشكل ذا
الثانيه من ريل تكنيك حلوه لمن تحطي الهايلايتر السائل تحت عينك
----------
سادس شئ و آخر شئ فرش العين
ذي اكثر فرش استخدمها و احبها
فرش اساسيه لتوزيه الظل من كوستال ٣ احجام
احبها مرا و اساسيه بالنسبه ليه
برضوا من كوستال الاولى ممكن للايلانر و الثانيه استخدمها للحواجب مرا مناسبه للحواجب
فرشه الايلانر من سيقما للجل لاينر
بلندق برشز من سيقما
فرش ثانيه لاي شئ ثاني دمج او تحت العين زي اخر فرشه
الفرشه ذي غريبه من كوستال ماقيد شفت زيها الا في كوستال
تشبه فرشه الكونتور الكريمي من سيقما الكابوكي برش
بس ذي للعين تثبت الظل و ممكن اذا حابه تستخدميها للكنتور الخشم " الانف"
............
و ذا كل شئ عن الفرش اللي استخدمها ان شاء الله يعجبكم
للتواصل
على الانستقرام
@asomahsa
@asomah_sunrise
التويتر
@asomahsunrise
و شاركونا صوركم على هاشتاق
#asomahsunrise
<3
تعليقات
إرسال تعليق