مشريتاتي
السلام عليكم
قبل فترة طلبت من تاجرة الي دايماً اطلب منها في الانستقرام
حبيت المره ذي اجرب الاشياء الي طلبتها بعدين انزل عنها ..
----------
اول شئ ارواج ويت اند وايلد
ذي ثاني مره اطلب منها اوراج ماتنمل منها الصراحه درجاتها مرا جميلة
و نوعيتها ممتازة و سعرها رخيص .
ذي الألوان اللي اخذتها لحمي ، بني ، وردي
اسماء الدرجات و الارقام في الصوره فوق ..
اللحمي عجبني مرا طبيعي بذات لو انتي من الدرجة السمرا حتى لو البيضه
ذا النود الصح :)
سعره ٢٠ ريال
-----------
فرش إكو تولز
هيا ايش هرجتها انها فرش مصنوعه من مواد طبيعيه "معاده التصنيع"
انا مرا حبيت الفرش مرا مدكوكة صح انها مرا ناعمة بس تمسك الظل
و سعرها جدا حلو بنسبه لجودتها و احجامها صغيره تنفع تاخذيها معاكي في شنطتك او للسفر
انا عني سرت استخدمها بشكل يومي للجامعه
اول فرشه حجمها كبير شوية استعملها للإضاءه و الثانيه احب احط فيها كنتور الخشم او ظل للدمج مرا جميله
تدمج بشكل مرتب
الثالثة للظل على الطرف او في النص انتي استخدميها بالطريقه الي تريح
الرابعة للشغل الدقيق لتحت العين مثلا
و الخامسة احب احطها إضاءة لمدمع العين
سعرها ب ٤٥ ريال
-----------------
فرشة للأساس
ماحبيتها مرا للاساس حلوه للكنتور
نااااعمة
سعرها ٣٥ ريال
------------------
فرشة باليندق من كوستال "السودة"
نسخة من فرشة ماك
صح فرشة احسن بس مع فرق السعر
ماك ١٢٥ تقريبا مني متأكده
اما كوستال ٢٥ ريال
الصراحة لازم تكون عندكم اذا ما عندكم بليندق برش ..
----------------
و دحيين فرشتي المفضلة
من ريل تكنيك مصنوعة من السيليكون
الفرشة قطعة وحده مي شعر يعني مرا تسهل عليكي رسم الجل لاينر
انا شخصياً ما كنت اعرف ازبط الجل لاينر بس مع ذي الفرشة ادمنتته سرت اعشق احط الاي لاينر اكثر من اول
بنات لازممم تكون عندكم احلى اختراع في عالم الفرش .. ههههه حجننكم فيها
سعرها ٣٥ ريال
---------------------------
اسفنجة البليندق
مرا عجبتني انها كيف منحوتة بس صدقا ما جربتها لين دحين
بس ان شاء الله اجربها انزل عنها ..
ان شاء الله يكون عجبكم الموضوع
شاركونا آرائكم على الانستقرام
@asomah_sunrise
و التويتر
@asomahsunrise
<3
تعليقات
إرسال تعليق