BH DOT BRUSH فرش بي اتش
السلام عليكم
قبل فترة جربت فرش بي اتش المجموعة النقطة اسمها DOT
التاجرة الي طلبتها منها اكاونتها في الانستقرام هوا @glamourbeautysa
عدد الفرش ١١ مع العلبة
٤ فرش للوجهة
٧ للعين
------
في وحده نسيت اصورها ان شاء الله انزلها انستقرام
هيا لتوزيع الاساس بس مرا ما حبيتها
عموما الفرش الكبيره ابدا شعرها مو مدكوك
زي اول فرشه من اليسار فرشه المروحة ممكن تستخدميها لتنظيف الوجهه من بقايا الشدو تحت العين او للإضاءة
و الفرشة الي في النص للبودرة بس عشان شعرها مو مدكوك اضغطي عليها من النص و انتي تحطي البورده او استخدميها للبلاشر ..
الاخيرة للكنتور او البلاشر ذي الفرشة عجبتني للبلاشر اكثرالحلو في الفرش ناعمة
-----------
فرش العين ..
حبيت فرش العين حسيتها قريبة للشغل الدقيق الحلو فيها انو احجامها صغيرة تقدري تتحكمي بالشدو بسهولة
الاولى على اليمين فرشة لوضع الشدو على الجفن الثابت او ممكن للكونسيلر تحت و فوق الحاجب
الثانية فرشة للروج
الثالثة فرشة اي لاينر مسطحة بس حسيت انها عريضة شوي .. فخليتها للشدو زي ممكن ارسم فيها اي لاينر بالشدو و بعدين اقدر ادمجة لفوق
الرابعة احلى وحده فيهم بلندق برش "للدمج" حجمها جدا حلو يعني الناس الي جفنهم صغير مرا حلوه لهم
الخامسة للآي لاينر "الجل لاينر" بس انا استخدمها زي البنسل برش .. اوزع فيها الشدو تحت العين
السادسة فرشة لدمج الشدو مايلة
الاخيرة فرشه مسطحة
-----------
وبس ان شاء الله يعجبكم الموضع و تستفيدوا 3>
تعليقات
إرسال تعليق