روتين عنايتي "لبشرة الوجة" و حب الشباب
السلام عليكم
من فترة وانا ابغى اكتب لكم عن عنايتي بوجهي بس رحت تعالجت قلت اجرب العلاجات الجديدة اذا نفعت
اكتبها لكم مرة وحدة
-----------
اول شئ الترطيب
جربت كذا نوع بس نسيت بعضها و رميت العلب ذا الي اتذكرة و احتفظت بالعلب
ذا افضل نوع جربتة
من لوريال ريحتة تجنن مو ذيك الريحة القوية بس شئ خفيف احساس بالنظافة
و ترطيبة مرا حلو مايدبق
استعملة قبل المكياج و بعد التقشير و في اي وقت ثاني حسيت انو وجهي يحتاج لترطيب
وهوا الي استقريت علية
ثاني كريم من ponds
ريحتة عجبتني بس ترطيبة مو زي لوريال
يدبق شوية و ما احس البشرة تمتصة بسرعة
مو على طول تحسي انو بشرتك ترطبت
ثالث كريم من كلير اند كلير
ترطيبة حلو حبيت العلبة انها ضغاط بس افضل العادية عليها
عيبة انو في نسبة قليلة من القلتر .. ما ادري ايش فايدتها احسها تضايق
احب كريمات الوجة تكون دقيقة مو قلتر يعني احيانا بحطه قبل النوم او لمن اقوم من النوم ايش لو داعي القلتر !
ذا اسوء شئ
من نوع الكريمات تفتيح البشرة
انا ما احب ذا النوع و موكويس اصلا كثير من الدكاترة تكلموا عن ذي الكريمات المبيضة
انا اخذتة بالغلط ماشفت انو مبيض ..
الكريم لمن تحطيه يسير وجهك ابيض بطريقة تفجع كأنك حاطة كريم اساس خفيف ابيض
"يعني قلك دحين بيض وجهك" هههههه
-------------
ذا العلاج الي اعطتني هوا الدكتورة لحب الشباب
اذا حبوبك من خفيفه لمتوسطة استخدمية بعد ما تروحي تكشفي عند دكتور طبعا
انا افادني الحمد لله و راحت الحبوب
بس مايسوي شئ للاثار ..
الي على اليمين مسحة
و الثاني كريم و يقشر البشرة
كريم تحت العين
من لوريال مرا احب ترطيبة
فية كولاجين
مقسوم قسمين قسم جل احمر و قسم كريم ابيض
بس اذا كنتي اصغر من ٢٠ لا تستخدمية
يشد العين " الطعاجيج" بس انا ما استخدمة يوميا
المقشرات اليومية
احسن شي نيتروجينا البنك .. مرا حبيت تقشيرة خفيف و فية حبيبات صغغيرة
الثاني الاخضر مقشر كريمي حلو تقشيرة بس حبيت البنك اكثر عشان الغسول منعش اكثر من الكريمي
الغسول الازرق من قارنية
استخدمة بعد ما اجي من الجامعة .. بس غسول نيتروجينا احسن منه "الغسول مو المقشر"
فية شوية حرارة حبيتها احس من جد بإنتعاش
ذا غسول و ماسك في نفس الوقت
انا استخدمة بس كماسك
احس ماله اي علاقة بالغسول
حلو الماسك انو يكون اسبوعي
----------
ذي حبيبت قلبي من سيقما
اقشر كل اسبوع مره
تقشيرها مراا حلو ..
تكلمت عنها كثير في بوستات ثانية
و في الانستقرام
ذا تونر من قارنير ..
مرا مرا حلو
من جد يطلع الشوائب الي في وجهك
بعد ما تمسحي وجهك شوفي كيف القطنة تسير :)
------
وبس ذا كل شئ عن عنايتي و زي ما فادتني ان شاء الله تفيدكم
3>
تعليقات
إرسال تعليق