BH Cosmetics PALETTES & BLASHERS
السلام عليكم
سمعنا كثير من البلوقرز عن شركة بي اتش BH cosmetics
اسعارها اغرتني مرا حلوة و اشكال الباليتات كمان
حبيت اجربها و اخذت كم باليت منها ..
اول باليت
باليت جالكسي
حبيتة مرا طبعا كلة شيمر مافيه ولا لون مات و ذا اللي عجبني لاني ابداا ما احب المات
الباليت مرا فيه حياة ملون و كل لون له اسم كوكب او شئ مختص بالفضاء و انا اعشق المجرات و الفضاء 3>
و بعض الالوان نفس الدائرة متداخلة فيها لونين مع بعض
زي الون Earth
مسوينة نفس الكرة الارضية لؤلؤي و ازرق درجة جميله .. الصوره فوق ..
ثاني باليت
بارتي قيلر حسيتة مو ثابت الصراحة بس لسه مو ذيك التجربة عشان احكم
الحلو فية انو ألوانة كثيرة تقدري تسوي لوكات كثييره مرا جامع بين الشيمر و المات بس الغالب شيمر
الثالث
باليت كالفورنيا
فيه ٨ الوان على اليمين و ٨ على اليسار و في النص بلاشر و هايلايتر و البيج شيمر ينفع هايلايتر و الغامق عاد مدري ايش يحس انو شيمر عاد كنتور شيمر صعبه هههههه
طبعا انا لسه ماجربت الباليت لسه مقدر احكم
الاخير
اخر شئ باليت البلاشرز جربت لون واحد و صراحة ابدا مو واضح لازم كم مره تحطي لين يبان
بس مدري عن باقي الالوان ..
ان شاء الله بس اجرب الباليتات تجربه كويسة انزل عنها لاني ما ابغي اظلمها
ذا بس عن المشتريات ..
ان شاء الله يعجبكم
شوفوا الموضوع اللي راح
…..
تعليقات
إرسال تعليق