BODY CARE - العناية بالجسم
السلام عليكم
اليوم بتكلم عن البودي كير .. العناية بالجسم
بالنسبة لية مقسمة الموضوع قسمين
١. الوجة
٢. الجسم
اول شئ بتكلم عن الجسم في ذا الموضوع عن عنايتي الشخصية (يعني من تجربتي الخاصة) شئ جدا بسيط اي احد ممكن يسويها و المنتجات متوفرة بكل مكان
و جدا افادتني ..
اول شئ عشان جسمك يكون ناعم و بدون قشور او عشان اذا كنتي من النوع اللي ييحلق رجلة و يدينة بالمكينه او الموس
و الشعر يطلع تحت جلدك و يسبب نقط سودة ..
لااازم الليفة المغربية تكون عندك تحصليها عن العطار او الصيدلية احيانا في البازارات
سعرها بين ١٠ - ١٥ -٢٠ ريال
في منها الوان اسود و غيروا ..
اذا كان عندك الغسول المغربي (الخلطة المغربية ) يكون افضل
انا ماعندي الخلطة فأحط صابون عادي اهم شئ اني ادعك فيها جسمي مرا مرا تنظف الجسم
و تحسي من جد بنظافة و تغير ملحوظ
ذا بالنسبة للتقشير
-----------
بعد كذا الترطيب ..
انا من عشاق (بالمرز)
كريماتهم ترطيبها جدا جمييل و عميق اذا عندك افضل انك تستخدميها
بعد الشور و جلسة التقشير ادهني جسمك بكريم النوع اللي تحبية
بس الكوع و الركبة و القدم بالفازلين ..
الفازلين مطلعين انواع بالزبده الكاكاو و اللوز و الصبار
انا حبيت الصبار ريحة خفيفه منعشة
بعد ما ترطبي رجلك إلبسي شراب وطبعا انوي علية الوضوء و إقعدي فيه يوم كامل و كل يوم الفجر سوي كذا و راح تشوفي الفرق في نعومة رجلك و كيف الكعب الخشن و الناشف يروح
------
دائما في حمامك حطي جمب الصابون كريم لليد بعد ماتخلصي غسيل يدك نشفيها ورطبي يدك وكذا تضمني انها تكون ناعمة طول الوقت و اكثر جمال.
------
و شئ بس حبيت اقوله اني احب البودي سبري بعد الشور او في اي وقت تكوني في البيت ريحته نظافه و انتعاش :)
و بس كذا يكون خلص الموضوع ان شاء الله يعجبكم و تستفيدوا
<3
تعليقات
إرسال تعليق