MY FAVORITE THINGS
السلام عليكم
الفترة الي راحت جربت اشياء مرا استفدت منها او عجبتني او استمتعت فيها
مافي فترة كعينة لكل شئ بس استمريت عليها
------------------
اول شئ الملابس ..
كاب فريق السلة LAKERS
اخذت الكاب من فيرجن
عجبني للأيام الي يكون شعري مو مرتب من فوق و مافي وقت اسويه و في نفس الوقت شكلها جميل "للجامعة"
و غير الجامعة بس انا اكثر شئ استخدمها للجامعة
-------------
سويتر علية ذي الشخصيات ما اعرفهم صراحة بس مرا حبيتة
حتى نوعية القماش مرا جميلة متين
من فور ايفر ٢١
الاسوره الذهبيه اخذتها من دبي ما اتذكر اسم المحل
-----------------
ثاني شئ ..
اسميها زمزمية و في ناس يسموها المطارة
المهم .. عجبني شكلها و حجمها عشان ما احب انها تاخذ مكان كبير في الشنطة للجامعه
لونها مراا جميل
احط فيها فواكة و ليمون اي شئ منعش تحبية ان شاء الله حتكلم عنها في موضوع ثاني
سعرها ٣٥ ريال
من نفس محل ري بوك من رد سي
--------
ثالث شئ الكتب ….
من احلى الكتب الي قرأتها الفترة الي راحت
اول كتاب من الي على اليمين حوجن رواية ، تتكلم عن جني في عالم الانس
من فيرجن
الاخيره الي على اليسار ساق البامبو رواية ، تتكلم عن حياة شخص نص فلبيني نص كويتي ، فازه بجائزة العالمية للرواية العربية
من فيرجين
الكتاب الي في النص كتاب كوميك .. توايلايت بارت ون
ذا شكلو من جوة
مرا حبيتة و حبيت رسمة
من جرير
--------------
ذي فاصلة كتب
المفضلة عندي اخذتها قبل سنة من دبي
الحلو فيها انها ثري دي ،،، و عن الفضاء و انا احب الفضاء و الكواكب
-------------------
رابع شئ المكياج ..
اول شئ ماسكرا للحواجب من بينفيت لونها فاتح .. مرا ثابتة و تكثف الحواجب و تفتحها
ثاني شئ مرطب ايوس مرا ريحته و طعمة يجننوا و ترطيبه حلو كمان
ثالث شئ ظل للحواجب من اتش اند ام
ذا شكلو باين كيف حفرت اللون الفاتح .. بس لمن تحطية يطلع شويه غامق
الروج ذا من نكس احس لونه فخم ;)
فرشة للكنتور من ريل تكنيك .. احيانا استخدمها للكنتور و احيانا بلاشر اقدر اتحكم في مكان البلاشر بدقة
سفنجة من ريل تكنيك
من يوم ماجربتها و انا مقدر استغني عنها
توزع الفاونديشن بشكل جدا طبيعي و مرتب
الكريم ذا من باث اند بودي
لوشن ريحتة تجنن
مرا مرا جمييل
القسم الثاني منه شيمر بس ما استخدمة كثير
آخر شئ مناكير من اتش اند ام
ذي الفترة ذول الدرجتين المفضلة عني و اكثر شئ استخدمة
الموف و العنابي مايل للفوشي شوية
-----------------
خامس شئ التكنولوجيا….
جوال الاتش تي سي
حبيت الجوال ذا بشكل اكثر من ما تخيلت كتصميم و نحف و نظام
حتى النوع الجديد منه ما عجبني شكله قد ذا ما عجبني
أفض آب .. ابلكيشون
HungerStation
فكرة الآب انو تحملية و تحددي الموقع الي انتي ساكنة فيه
تطلعلك المطاعم الي جمب بيتك و اختاري الي تبغيه و يوصلولك مجاناً
انا صراحة ماجربتة لانو المطاعم الي جمب البيت مو على مودي
بس اخويا جربه و يمدحة وانا اصدقة :)
------------
i tv
الشئ ذا انك تشبكية في التي في بعدين
بدون اي سلك تشغلي الجوال عليه و يسير التي في يعرض لك شاشه الجوال
ممكن تتفرجي على اليوتيوب او الصور اللي تبغيه .
اخر شئ من التكنو .. سلك الاتش دي
عشان انا مني من محبي التي في فدايما اشبك الاب على التي في و اتفرج
بذا السلك
-------------------------
سادس شئ اشياء المكتبة …
لصق من جرير حلو للتغليف او التزين
ريش من فيرجن
زينت فية كيكة لحفله اختي الصفيرة نزلت الصوره في الانستقرام اذا تبغي تشوفيها
الشئ ذا مدري ايش اسمة بس اذا عندك مكتب يمسك الاوراق لكي
من روائع المكتبات
اخذت ذي من روائع المكتبات
تختاري الشريطة الي تبغيها اللون الي تبغيه
حبيتها لبطاقه الجامعة
…
ان شاء الله يعجبكم الموضوع و تستفيدوا منة
3>
تعليقات
إرسال تعليق