SEPHORA WHITE CARD
السلام عليكم
زي ما وعدتكم اني بعد الاختبارات اتكلم عن بطاقة سيفورا اليوم حتكلم عنها ان شاء الله ..
----------
اول شئ اعرفكم عن البطاقة و فكرتها
اول خطوة انك و انت بتشتري من سيفورا اطلبي منهم البطاقة و راح تعبي البيانات
لازم تجمعي ٢٠٠ نقطة .. يعني بإختصار ٢٠٠٠ ريال
بس هما يقولوا ميتين نقطه عشان يهونها عليكي هههههه
و اول ماتشتري راح ينزلوا لك نقاط في البطاقة
بعد يومين يجيكي ايميل انو تم التفعيل و هدية منهم
انتي عاد روحي الفرع و وريهم الايميل و راح تاخذي الهدية
انا هديتي كانت "كريمي بودي واش"
خيروني بينة وبين لوشن للجسم
فكرتي عن ذا البودي واش
حبيته و حبيته اكثر انو كريمي و ريحته ثابته يعني تخرجي من الشور و انتي ريحتك لسة منه
ذا الي عجبني فيه .. بس اللون الازرق ذا ريحته مي حلوة للاسف
سعره ١٩ ريال
بس طبعا هديه ما اشتريته
-------
طيب نكمل الموضوع بعد فتره قصيرة
يرسلوا لك ايميل في هدية ثانية .. تروحي و تاخذيها بس المره ذي بشرط انك لازم تشتري اول شي
منهم اي حاجة بعدين توريهم الايميل و تاخذي الهدية
ذي كانت هديتي مناكيرين من O.P.I
القهر انك مايمديكي تاخذي اللون الي تبغيه بس برضوا حلو ^^
----------
وبس تقعدي تشتري لين يسير عندك ٢٠٠ نقطة بعدين تراسلي دبي
و يرسلولك البطاقه السودة في الفرع اللي تبغية
و يعطوكي معاها هدية
و البطاقة السودة ايش هرجتها .. انا لسة ما اخذتها :،)
بس قرأت عنها انو
١.يعطوكي تخفيض ١٠٪ على اشياء معينه
٢.يرسلولك هداية في عيد ميلادك
٣. يودكي ايفنت ... وذا احلى شئ
٤. و احيانا عروض و هداية
-------
وبس ذا كل شئ عن بطاقة سيفورا ..
ان شاء الله الموضوع الجديد عن الاشياء الي اشتريتها من سيفورا ^^"
تعليقات
إرسال تعليق