تصوير الاضواء بخلفية سودة
السلام عليكم
اليوم بخرج عن موضوع جمال الجسم و الوجه و ادخل في متعة النظر وفنها
و كيف نصور نوع جديد من الصور
او شئ تحتاجي :
- كاميرا احترافية
- انوار بأشكال مختلفة ، كشاف ، ابجورة ، شبكة الانوار او سلك الانوار
- غرقة مظلمة
غيري اعدادات الكاميرا لحرف M
بعدين غيري الاعدادات في الشاشة
قللي سرعة الشتر سبيد
الشتر سبيد هوا الي مأشر عليها في الشاشة
*ركزوا على الشرطات*
غالبا تكون الشرطة بذا الشكل 1/60
بس انتوا خلوها 5"0
*بعد كذا يمديكم تتحكموا بالسرعة انكم تقللوها اكثر و اكثر بس ذا مبدئياً*
لمن تبغوا تغيروة حطوا المربع زي اختيار الصوره الي قبل و بعدين تغيروا السرعة من المكره ذي
ال F
خلوه على 22
و ال ISO
على 100
لمن بتقللي الISO خلكي ضاغطة عليه و اختاري ١٠٠
*عدلوا الفوكس على النور*
-----------------------------------------
بعد كذا شغلوا الشمعة او شبكة الانوار او سلك او كشاف
خلينا على الكشاف مبدئياً
صوري الصورة *و تاكدي انو الغرفة ظلام*
و انتي بتضغطي على الزر اسحبي يدك فوق او تحت اويمن او شمال و شوفي النتيجة حتكون كذا
ابدئي حاولي تسوي اشكال بيدك و كل ما كنتي تبغي و قت زياده قللي سرعة الشتر سبيد
مثلا 5"0 يعني خمسة ثواني
8"0 يعني ثمنية ثواني وكذا...
ذي اشكال اول تجارب مع الكشاف
بعد كذا استخدمي انواع ثانية من الانوار
وراح تديكي نتايج مختلفة
استخدمت ذي الانوار مره بإضاءة حمرا مرة صفرا و مره دمجتهم مع بعض
هنا وحده دورت الاسلاك زي حبل الكاو بوي .. ان شاء الله فهمتوا عليا :)
يعني وحده تدور السلك و انا اصور
سحبت الكاميرا لفوق
السلك كان ثابت
هنا شبكة الانوار ثابتة انا بس حركة الكاميرا
نفس الشئ
نفس الشي
ذي صورة اوضح لحركة الكاو بوي
--------------------
هنا حاولت ارسم بس قللت الوقت شوية خليتو 8"0 ثمنية ثواني
حركت الكاميرا على الشكل الي ابغاه
---------------------
بعد كذا في فكرة احلى بدال ما تكتبي بالكاميرا نفسها اسهل لو ثبتيها حطيها على الستاند او طاوله و طولي الوقت و انتي بنفسك حركي الكشاف على الكلمه الي تبغيها
اذا كانت الكلمة مفرقة زي بعد الالف حطي يدك على الكشاف عشان تقطعي النور و على طول شيلي يدك و كملي الراء وكذا ..
وبس ان شاء يعجبكم الموضوع و تستفيدوا منه
3>
تعليقات
إرسال تعليق