FASHION FASHION
السلام عليكم
حبيت اخرج عن موضوع الميك اب و اكتب عن الفاشون
صورت ستايلين ان شاء الله يعجبكم
الفترة ذي سرت اعتمد على الاكسسوارات اكثر شئ هيا الي تدي اللبس شكله
---------------------
اللوك ذا ايليقنت و كاجول في نفس الوقت مدري ايش تسميته
بس انا احب الستايل ذا جدا
انو يكون الشوز انيق و الاكسسوارات كثيرة مع تي شيرت قرافيك ..
او اي شي يكون شويه سبوت
ممكن تستغني عن وحدة من السلاسل هنا اذا حسيتي انها كثيرة بس انا حبيتها كذا
دحين الي طالع الشنط الصغيرة الي تنشال على جمب
حبيت ذي جلد و درجة البني جميله جدا
من ردسي مول
الشوز اللي عجبني فيه التدرجات الي من ورا نفس درجات الروب مع انهم من محلين مختلفين
الشوز من زارا
و كمان حبيت شئ فية راسة او بوزة " من قدام " حاد .. و اذا كان راس الكعب حاد يدي مظهر انيق
هنا اسماء المحلات
اما sheinsaid
ذا موقع مو محل
-----------------------------
اللوك الثاني .. و هوا ينفع للجامعه
اللوك كاجول مرا مريح و الجينز الحلو انو يكون ضيق من تحت زي في الصوره
الجينز من مانجو اغلب جينزاتهم كذا
جينز غامق م تي شيرت ابيض حتى لو سادة ما تفرق لانو اساسا القميص كاروهات
التي شيرت ذا لو تفتكروا انا كتبت عليه و نزلت له موضوع خاص
هما تحصلوا الموضع
النظارة الشمسية ذي راح تدي منظر لللوك مرا قوي
فكرتها لمن تلبسيها زي لمن تحطي الاي لاينر الكات اي
هيا نفس الشي كات اي بس بسن قلاسس
زي الصورة هنا
السلسلة ممكن تقلبيها على الجهتين جهه ذهبي سادة و جهه سماوي
وهنا اماكن الشراء
و حبيت شوز اديداس مع اللوك
قولولي ارائكم و ان شاء الله يعجبكم الموضوع
3>
تعليقات
إرسال تعليق